Istrutzioni: agiudus po s'annestru a s'isvilupu de sa citadinàntzia mondiali

(IlMinuto) – Casteddu, 6 de su mesi de paschixèdda - Mancant galu pagus diris a s'iscadéntzia de sa presentada de is propostas de progetu po promòviri atzionis de trisinamentu in is iscolas elementaris e médias de primu gradu de sa Sardigna asuba de is temas de s'annestru a s'isvulupu e de sa citadinàntzia mondiali. S'avisu de sa Presidéntzia de sa Regioni est po is assótzius de voluntariau iscritus in su cumpartu assistu internatzionali de su registru de su voluntariau e a is organizatzionis chi no funt istatalis reconotas de su Ministeru de is afàrius ésteru ativus in su territóriu de s'ísula. Diversus is temas de interessu, de sa cultura de sa paxi a sa conviventzia paxiosa intre is pópolus e is cristianus, de sa promotzioni de is diritus umanus de sa gherra comenti médiu de determinu de is batallas, de sa "multiculturalità" a s'integratzioni "interetnica" e "interreligiosa" e s'arrespetu de is diversidadis; e galu: sa democratzia "partecipativa", sa legalidadi, s'acasàgiu, sa participatzioni, s'ivilupu umanu, sustenìbili, s'àcua e su clima. Is propostas de progetus ant a depi lomi intru is 13.00 de su 14 su mesi de paschixedda de su 2012 a s'indiritzu "Regioni Autónoma de sa Sardigna - Presidéntzia de sa Regioni - Serbítziu Afàrius Internatzionalis, arburada Trento, 69, - 09123 Casteddu. E ant a depi previdiri caminus de butagas didàticas chi impitint métidus "partecipative" siat in fasi de progetatzionis chi de atuatzioni e chi s'impitint ténnicas, proceduras e istrumentus "multimediali", editorialis, "audiovisivi" adatus a sa lómpida de is obietivus programaus; atzionis de comunicatzioni chi tenit s'iscopu de comunicai e fai connosci su progetu e is arrasutaus suus e a s'acabada unu mínimu de tres seminàrius "residenziali" a gratis po assumancu 20 maistus.

Fotografia de Daviniodus. Pigada de Flickr