Su Prémiu Montblanc a Salvatore Mereu e Piero Pretti

(IlMinuto) – Casteddu, 5 de su mesi de totussantus - Duus nòminis chi faint sa Sardigna galu prus manna. Su regista e su tenori nugoresus, difatis, ant a pigai, su prémiu Montblanc su 9 de su mesi de totussantus chi benit, sa primu diri de "Majia de Ierru", is tres diris de festa aprontadas dógnia ddus annus de sa Gioieria Rosas 1945, chi ocannu s'ant a isboddiai in is aposentus de su Museu Tribu de Nùgoro. "Is duas pinnas pretziadas - si ligit in su comunicau de imprenta - ant essi intregadas in sa biblioteca de s'Isre". Salvatore Mereu, est autori de numerosus films chi ant tentu una ditza manna, e chi ddu ant portau a binci prémius de importu, própriu in custas diris est in is sabas sardas e in is de sa penísula cun "Bellas Mariposas", òpera pigada de su romanzu de Sergio Atzeni. Su film est stétiu insertau in sa setzioni "Orizontis" de s'úrtima editzioni de su Festival de su Tzínema de Venezia. Piero Pretti, imbecis, at cumentzau a cantai in s'Iscola Cívica de Música dirigia de Antonietta Chironi. Oindì cantat in is teatrus mellus de su mundu cun sa diretzioni de is Mistus de sa fama de Riccardo Muti. Sa cirimónia de sa premiatzioni s'at a isboddiai cenàbara chi benit agoa de cuferéntzia de imprenta de presentada de "Majia de Ierru".