Lompit a sa terza editzioni Ronde Rally d'Ogiastra

(IlMinuto) – Casteddu, 28 de su mesi de totussantus - Lompit a sa terza editzioni Ronde Rally d'Ogiastra. S'atopu est po su 1 e su 2 de su mesi de paschixèdda chi benit. "Agoa de sa fortuna manna de is primus duas editzionis - afirmat Gianni Coda, ordingiadori de sa Portu Chervu Racing iscuderia aprontadora - s'Ogiastra afirmat sa vocatzioni sua e si cufirmat logu ideali e de primori, aundi fai avenimentus isportivus internatzionalis in ambientis naturalis únicus: is pilotus prus fortis s'ant a gherrai su rally in d-unu paisàgiu incomparàbili, in is tzentrus urbanus de Irbono, Elini e Àrthana in is satus pomposus de sa provìntzia. Un'atopu chi torrat a oberri is ennas po sa terza istagioni a sa genti e chi amostat su chi s'ísula nostra podit ofèrriri". S'elencu iscritus at giai superau a is 70 echipàgius i est, comenti sèmpiri, su de is circustàntzias de importu mannu. Intre a is protagonistas su pilotu Vittorio Musselli puru. S'editzioni de su 2012 presentat calencuna novidadi. Difatis, "sa sémida de ocannu - comenti pretzisat Mauro Nivola, presidenti de sa Mediterranean Team - torrat in bona parti a is nàscidas, eus torrau a disignai su tretu bincidori de su primu annu acostendusì a Àrthana, Elini e Irbono. [...] eus a afrontai is asfartus de sa provintziali e de is satus pedendu a is pilotus de curri in d-una sémida prus tostada po longària puru: 14,800 is km de fai po una Ps a is cabus de sa longària permítia".