Líbera sa fantasia cun "Creativamente insieme 2012"

(IlMinuto) – Casteddu, 30 de su mesi de totussantus - Lompit a sa terza editzioni "Creativamente Insieme". S'atopu, aprontau de s'assótziu ArCoEs, s'at a isboddiai domínigu 2 de su mesi de paschixedda de su 2012 de is 10.00 a is 20.00 in su Tzentru Area 3. Aintru de s'avenimentu artistas e artesanus ant a aparai is próprius òperas e ant a propòniri a sa genti butegas e mostrantzas po totus is atitudinis e po dógnia interessu. S'at a andai de su manixu de sa "pasta fimo" a sa creatzioni de prendas in "feltro", de su "riciclo" a is maniestus de lana e arroba. Sa diri at essi arrica de intzídius e at a tenni comenti a protagonistas puru is chi s'ant a bolli ponni a sa proa in s'arti de  su "fai da te".

Fotografia de .Krol. Pigada de Flickr