In su Surcis tres cursus po su cumpartu agriculu

(IlMinuto) – Casteddu, 23 de su mesi de ledàminis - Funt tres in totu is cursus chi s'Agentzia Laore Sardigna - Portellutu únicu territoriali de su Surcis aprontat in su territóriu de su Surcis Igresienti. Tres is campus agriculus: coltivatzioni de sa bíngia, coltivatzionis de s'obia e allevamentu de is abis. Su cursu po bingiàrgiu s'at a isboddiai in Santadi de su 13 de su mesi de totussantus chi benit a su 9 de su mesi de arbili de su 2013 cun 11 letzionis teóricu-pràtigas. Su cursu po "olivicoltori", 10 letzionis in totu, s'at fai sèmpiri in Santai cun cumintzu in su mesi de totussantus, in data balu de si fissai, e at a acabai in su mesi de làmpadas chi benit. Infínis, is 18 letzionis de su cursu po allevadoris de abis ant essi acasagiadas de su mesi de totussantus a su mesi de làmpadas de is comunus de Giba e Crabònia. Is iscritzionis ant a abarrai obertas fintzas a su 6 de su mesi de totussantus. Po ndi sciri prus intrai in su giassu internet

Fotografia de ialla. Pigada de Flickr