"S'Istàniu de Caputerra in su degradu". Sa denúntzia de Gig e Amigus de Terra

(IlMinuto) - Casteddu, 9 de su mesi de ledàminis - Su 4 de su mesi de ledàminis passau su Grupu de interventu Giurídicu e is amigus de sa Terra ant presentau a sa Comissioni Europea, a su Ministeru de s'ambienti, a su Serbítziu regionali costoimentu de sa natura, a su Comunu de Casteddu e, po is eventualis cumpeténtzias, a sa Procura de sa Repúbrica de su Tribunali de Casteddu, un'ispecifica dimanda de scedas asuba de s'ambienti, acapiendi s'impitu de is interventus adatus po sa bunífica ambientali de is muntronaxus abusivus, po su monitoràgiu de is cunditzionis ambientalis e po su restoramentu e po su pómpiu asuba de su tretixeddu úmidu lamau Istàniu de Caputerra. S'Istàniu in chistioni rapresentat un'area de interessu ambientali chi s'agatat in territóriu de Casteddu, est manna scéti 70 étarus i est de importu po bedutzu, fera e ambienti. S'Istàniu s'agatat perou abandonau. Una leada úmida chi po is caraterìsticas ambientalis - si ligit in su giassu de Gig - "est stétiu ogetu de su progetu Life Natura 'Gilia' (1996), cun pranu de gestioni (1 de su mesi de paschixèdda 1998) e unu finantziamentu de 2.885.445,00 eurus de dinai comunitàriu (regulamentu Life) in faori de su cunsórtziu intercomunali intre Castettu (primu), Assèmini, Su Masu,e Caputerra, fatu nàsci aposta (1997)". "Intre is diversus interventus - acrarant is ambientalistas - est stétiu fatu unu caminu ambientali de bisita de s'Istàniu de Caputerra" ma "is cunditzionis de su caminu funt postas mali". In d-logu amparau de avincu 'paesaggistico' e de su pranu 'paesaggistico' regionali (decretu legislativu n. 42/2004 e s.m.i.) su bisitadori at a agatai difatis cannitzadas arrogadas, cungiaduras postas mali, iscàrrigus de alliga illìcitus.

Fotografia de tendreese. Pigada de Flickr