SardignaLibera in difesa de su territóriu contra a sa chímica birdi

(IlMinuto) - Casteddu, 16 de su mesi de ledàminis - SardignaLibera si movit contra a sa chímica birdi. Ddu fait cun d-unu recursu-denúntzia a sa Procura de sa Repúbrica de su Tribunali de Tàtari, contra a su Guvernu Italianu, a sa Giunta de sa Ras, a sa Provìntzia de Tàtari, a is Entis de su Logu, a is Sindacaus, a s'Eni e a totus is Multinatzionalis, de s'Enipower a Matrica e Versalis. Su motivu est su cumprimentu de s'impiantu de s'aici nada chímica birdi in Pòrtu Turre. "A pabas de sa tramperia [...] - afirmat su Segretàriu de SardignaLibera Claudia Zuncheddu - si cuant is boníficas mancadas de su giassu industriali chi ddoi furiat innantis", chi in diversus annus de atividadi at bisastrau a s'ambienti alluandiddu, e "su fàbricu de sa tzentrali elétrica a 'biamasse' (agualadas a is arrefudus ispecialis), duncas su perígulu de s'importatzioni de is arrefudus". Si fueddat - acrarat Zuncheddu - de s'incinixadori prus mannu de Europa chi at a fai balu impestadura ambientali, morti e maladias in is comunidadis de su logu".

Disignu de Dottor Fonk