Sa torrada de is anguiddas indìgenas in su Coghinas

(IlMinuto) – Casteddu, 4 de su mesi ledàminis - Est stétiu publicau de sa Provìntia de Terranòa-Tèmpiu "Cumpartu cincu - Ambienti e sustenibilidadi" su bandu de gara po s'esecutzioni de is traballus  po "Ponni a postu Sistema Lagu Coghinas - Cumprimentu de transida po fai a torrai a Artziai de is Anguiddas". S'amadurat duncas s'apíliu, nudriau po 40 annus de is aministradoris de Tula, Belchidda, Oscheri e Utieri e de is piscadoris, de is isportivus e de is amantis, de fai torrai a is anguiddas indìgenas in su Lagu Coghinas e in is diversus arrius. Innoni difatis is anguiddas biviant numerosas primu de sa travedda de su Muzzone."Custa proposta bella meda - narat su Consilleri de Tula cun Dèlega a s'Ambienti Claudio Meloni - inghitzàt in su 2009 de sa Provìntzia de Terranòa-Tèmpiu in cumprimentu a diversas Diretivas Europeas, Legis Natzionalis e Decretus Regionalis, at cumentzau a si realitzai cun s'incaminada de sa progetatzioni de unu "Sistema de Torrada po is Anguiddas".

Fotografia de 122. Pigada de Flickr