In Neunele unu cursu po fai cofas de arbutzu

(IlMinuto) – Casteddu, 10 de su mesi de ledàminis - S'at a isboddiai in su comunu de Neunele, de su 7 de su mesi de totussantus a su 5 de su mesi de paschixèdda chi benint, su cursu po fai cofas de arbutzu aprontau de s'Agentzia Laore - Portellitu únicu territoriali de Bilàrtzi po su territóriu de su Guilcer-Barigadu. Su cursu - si ligit in sa nota de imprenta - "est incluiu in is fainas de is 'Mestieris Antigus' i est indiritzau a is imprenditoris agriculus, a chini fait parti de sa família agricula, a is operadoris de agriturismu o de fatorias didàticas e a is giòvanus disimperaus de su territóriu. Su cursu tenit binti postus in totu. Is dimandas po ndi pigai parti ant a depi lompi intru su 27 de su mesi de ledàminis a su Portellitu únicu territoriali de su Guilcer-Barigadu.

Fotografia de cristianocani. Pigada de Flickr