In Sàrdara sa primu editzioni de prémiu literàriu in língua sarda "Contendi in Sàrdara"

(IlMinuto) – Casteddu, 20 de su mesi de cabudanni - "Contendi in Sàrdara", ossiat su títulu de su primu cuncursu literàriu in língua sarda aprontau de s'aministratzioni comunali de Sàrdara. Sa partecipatzioni a su cuncursu est a gratis. Podint difatis pigai parti a su cuncursu totus is chi espressant sa fantasia insoru in língua sarda. Tres is setzionis: poesia sarda no publicada oberta a totus; prosa sarda no publicada oberta a totus e setzioni iscolas poesia e prosa sarda oberta a is istudiantis de s'Istitutu "Comprensivo" de Santu 'Engiu. A is primus duas setzionis est possíbili pigai parti cun d-un'opera scéti, mentris funt amìtias diversas òperas de parti de dógnia istitutu po sa setzioni dedicada a is iscolas. Is òperas ant a depi essi imbiadas a su Comunu de Sàrdara, pratza Gramsci 1, 09030 (VS) in busta serrada pretzisendi sa setzioni innoia si bolit pigai parti. Su pacu at a depi portai sa naradura "Contendi in Sàrdara – Sardara- 1^ ed. 2012" e at a depi essi mandau atressu de racumandada A/R o atressu de curreu in cuàturu copias unitamenti a s'ischeda de partecipatzioni, intru e no prus a tradu de su 15 de su mesi de totussantus de su 2012

Fotografia de heatheronhertravels. Pigada de Flickr