Trumentus a is malàdius in Itiri Cannedu. Melis Pd: "No a is curas chi traixit sa missioni insoru"

(IlMinuto) – Casteddu, 6 de su mesi de austu - "Un'istória chi no est scéti de su logu, e chi no podeus assolutamenti cuai". Est su comentu de su deputau sardu de su Pd Guido Melis, a petus de is fatus grais acontéssius in is diris passadas in d-una crínica privada de Itiri Cannedu. In sa bidda in provìntzia de Tàtari, in d-una domu de cura tzertificada de sa Asl, difatis, is malàdius patiant matratamentus foras de contu. "Seus a faci - afirmat Melis - de unu cuadru chi no si podit aguantai prus, asuba de su cali iat a podi spriculitai sa giustítzia (calencunu cuncursu, po esémpiu, iat depi essi illuminau de is lampionis). Ma prusatotu asuba de su cali s'iat a depi furriai sa política bera, cussa bona". "No iat andai mali - sighit sa nota de imprenta - si su Consillu, pratighendi unu privilegiu suu, iat a promòviri asuba de su sistema sanidadi tataresu unu spricullitu mannu e aprofundau".