Tàtari: Torrat su festival "In terra lébius"

(IlMinuto) – Casteddu, 25 de su mesi de argiolas - Ocannu puru torrat "In sa terra lébius - su festival de s'Argentiera" chi cumentzat oi e at a acabai su 29 de su mesi de argiolas, unu festival de literadura, música, giornalismu e dantza "in d-unu logu miríficu de sa Sardigna, totu de s'àtera parti de is costeras a de is 'bilionari' cun paxi e paisagius de ndi liai su súlidu e chentza nimancu yacht atracaus". Intre is ospitis de su mundu de s'imprenta, ddoi ant essi Daria Bignardi, Michele Serra, Luca Telese e Giovanni Maria Bellu, mentris a contai su mundu de s'aràdiu is boxis de Arràdiu Deejay. Diversus is atopus po fueddai de literadura acumpangiaus de sa música cun su cantautori Dente e Brunori Sias. Novidadis de custa cuinta editzioni ant essi is letzionis Popularis de Istória de su logu cun Manlio Brigaglia e Carlo Sechi chi ant a contai is istórias de su burgu de s'Argentiera e sa catalanidadi de S'Alighera. Su festival s'at a serrai cun s'atopu a duas boxis de Geppi Cucciari e Flavio Insinna.