Po salvai su territóriu de s'abusivismu oi in Carluforti su dibàtidu "Stop a su cossumu de su territóriu"

(IlMinuto) – Casteddu, 30 de su mesi de argiolas - A pagus diris de s'aprou de parti desa Giunta Regionali de is línias ghias de mudífica de su Ppr, Carluforti at essi movimentada de su dibàtidu "Stop a su cossumu de su territóriu" aprontau de su grupu Tabarchin pau ben in cumun. S'atopu est po custumerì a is 21.30 in arruga XX Settembre. Primu de su dibàtidu at essi presentau, cun s'autori, su líburu de Domenico Finiguerra "Sa Terra est de fillus nostrus". A s'atóbiu ant a fuddai Graziano Bullegas de Itàlia Nostra Sardigna e Antonello Meli puru, istudiosu de Zeografia Económica. Is temas chi ant essi matéria de chistionu funt de importu mannu po is sardus e po sa Sardigna, chi - si ligit in d-una nota fata conosci de is aprontadoris - "no est scéti amaletzada de un'abusivismi costanti e fetianu ma in is úrtimus annus at biu progetus foras de contu e at biu fàbricus nàsciri in arenàrgius ispantosus". Progetus meda funt stétius portaus a cumprimentu, "àterus [...] funt scéti in su paperi comenti su [...] de su Campu de Golf de 18 foradas cun annìtias 80 villas o albergus de lussu mannu; mentris […] in Santu Antiogu in d-unu de is úrtimus arenàrgius integrus s'iat a bolli fai un'istrutura termali manna meda"