In Pirri unu merì de blues cun Buddy Whittington

(IlMinuto) – Casteddu, 16 de su mesi de argiolas - Su bluesman texanu famosu meda Whittington at lompi in Sardigna su 20 de su mesi de argiolas e at a sonai in sa Vetreria de Pirri po agiudai a Abos Onlus (assótziu de volonteris po is pipius sardus chi s'agantant s'ispidali). A cumentzai de is  21.30 s'istella internatzionali at a cantai in d-unu concertu, únicu in s'ísula, acumpangiau de sa bateria de Darby Todd, de Pete Stroud a su bàsciu e de Roger Cotton a is tastieras. Unu concertu in nòmini de sa solidariedadi: "At essi un'ispetàculu de cabali artísticu mannu - narat Marco Cresci, aprontadori de s'avenimentu musicali - [...] po sa primu borta agiudaus a s'Abos, chi agiudat apetotu a is pipius sardus chi sunfrint de maladias malas. Un'impignu grai, mandau ainnantis de is volonteris cun apíchiu mannu. Boleus chi s'avenimentu andit beni po arregolli dinai meda". Po sa prevendita de is billetus tocat andai in su Box Office Tickets de s'Arburada Reina Margaida 43; de Cresci & C. sas in arruga Molise 72 e in arruga Giugi Marianu 28, in sa Vetreria in bia Itàlia 63 in Pirri. Is billetus de s'ispetàculu podint essi pigaus de Abos Onlus puru. Po ndi sciri de prus telefonai a is númerus: 329 6281399 e 070 655552.