"No a su trasferimentu a sa marolla de istudiantis". Sa de denúntzia de su Consillu de Istitutu de su Deledda de Cuartu

(IlMinuto) – Casteddu, 9 de su mesi de argiolas - Unu nono frimu a su trasferimentu a sa marolla in àteras iscolas de is istudiantis de arruga Misennori Angioni e de is iscientis de s'iscola de sa Crialla de arruga Santu Antoni. Est su pentzu espressau de su Consillu de Istitutu, de is famílias, de is profesoris e de is traballadoris ténnicu aministrativus de s'Istitutu Ténnicu "comprensivo" 3 Deledda de Cuartu Sant'Aleni in d-unu documentu votau a cuncórdiu e imbiau a s'imprenta. Su paperi gherrat contra a su trasferimentu de is ofítzius de presidéntzia e de segreteria de arruga Misennori Angioni. "S'amistratzioni comunali de Cuartu Sant'Aleni - si ligit in sa nota chi bullat su determinu aprovau de sa Giunta Contini su 5 de su mesi argiolas - abisongiat de logus de donai a s'iscola média Rosas (chi at essi sutaposta a acontzus, ndr), ma custu motivu no giustificat su determinu de privai a is iscientis de sa Deledda de sa domu insoru, aprontendi […] su trasferimentu insoru in d-un'àteru bixinau e ocasionendi unu sderrexinamentu a iscientis e famílias. Unu sceberu foras de contu si si pigat in cunsidériu ca is aposentus iscolasticus de arruga Misennori Angioni permitint de acasagiai cun facilidadi is classis de s'iscola média, is ofítzius de présidentzia e segreteria de s'IC Deledda impari a is 18 classis de sa Média "Rosas". "Est craru - pretzisat su documentu - ca su sceberu de nci bogai a is piciocus de s'iscola […] no benit fatu po permìtiri is traballus de arràngiu in arruga Titzianu, ma po aprofitai de sa situatzioni e donai is àulas po àteru (castia assignadura illegìtimade is àulas a assótzius culturalis […])".

Fotografia de alamosbasement pigada de Flickr