No a s'irminorigamentu iscolàsticu. Cenàbara sit-in a petus de s'Assessorau de sa Pública Istrutzioni

(IlMinuto) – Casteddu, 3 de su mesi de argiolas - Funt stétius diversus is irminorigamentus chi is úrtimus annus ant fertu a is traballadoris de s'iscola sarda, ma s'úrtimu corpu malu patiu dd'est s'istrutzioni isulana est stétiu tzacau de su pranu regionali de impiticamentu de sa retza bófiu de sa Regioni Autónoma de Sardigna. Sa Ras e s'assessori a sa Pública Istrutzioni - denuntziant is Precàrius Iscola Casteddu cun d-una nota de imprenta - "sighint a no pigai in cunsidériu is dimandas de atopu de is sindacaus, e sighint sa faina insoru de cumpartzidura de is autonomias iscolàsticas, amenguadas meda". Su chi acorat de prus su personali de s'iscola "Est ca in pagu annus sa calidadi de s'oferta de imparu est impeorada, po mori de is irminorigamentus de is traballadoris ma po mori puru de s'aumentu de is iscientis po classi. A custu s'aciungit - pretzisant is precàrius de s'annestru - sa mancàntzia de is interventus fatus de sa Regioni Sardigna a amparu de sa retza iscolàstica nostra e de s'amaistamentu" Su Pranu de impitacamentu,,cunsedaru arbitràriu de sa Corti Costitutzionali, no est stétiu impugnau de sa Ras. Est custu su motivu chi su 6 de su mesi de argiolas at a trumbullai sa protesta de su Comitau Precàrius Iscola de Casteddu, chi at a pigai parti a su sit-in lamau de sa Flc-Cgil po pediri a su Presidenti Cappellacci e a s'Assessori a sa Pública Istrutzioni Sergio Milia "de si pigai is responsabilidadis de torrai a castiai su Pranu Regionali de impiticamentu, de fai calencunacosa po su Personali de s'iscola, de inghitzai una contienda cun s'Istadu po tenni is risorsas chi abisongiant a unu sistema de imparu de calidadi".

Fotografia de framino pigada de Flickr