In Monti Claro sa rassegna de tzínema "Anna Magnai & Bette Davis - Due dive in bianco e nero".

(IlMinuto) - Casteddu, 6 de su mesi de argiolas - "Anna Magnai & Bette Davis - Due dive in bianco e nero" est custu su títulu de sa V editzioni de sa rassegna de tzínema aprontada in Casteddu in su Parcu de Monti Claro de sa Sotziedadi Umanitaria -Tzineteca Sarda, de sa Provìntzia de Casteddu e de su Serbítziu Audiovisivus de sa Biblioteca Provintziali. Agoa de sa primu proietzioni, dedicada a "su bandidu" de Alberto Lattuada, su programa at a sighiri dógnia mérculis fintzas a s'8 de su mesi de austu po torrai a pigai agoa de un'arrépiu su 22 e su 29 de su mesi de austu po acabai in su mesi de cabudanni cun is proietzionis de su 12 e de su 19. Is presentadas de is film ant essi aprontadas de Elisabetta Randaccio, Gianni Olla, Antonello Zanda, Gigi Cabras, Giulia Mazzarelli, Valentina Bifulco, Martina Mulas, Paola Meloni, Giuliana Manca e Andrea Serra. S'atopu est sèmpiri a is 21.00 e s'intrada est a gratis.