Basket femininu: su Cus Casteddu in A1 puru in sa istagioni chi benit

(IlMinuto) – Casteddu, 20 de su mesi de argiolas - Su Cus Casteddu at a pigai parti s'annu chi benit puru a sa serie A1 de su campionau de Basket femininu. S'iscuadra sarda agoa de essi torrada asegus in su campionau passau at arriciu difatis in is diris passadas sa nova de su 'ripescaggio' po s'istagione 2012-13. "Unu prémiu - si ligit in d-una nota de imprenta - po s'impinniu chi s'iscuadra univertitària at tentu s'annu passau donendi totu in su campu, torrendi asegus scéti po unu puntu"