Tucat Campidanu Music Lab. Su primu contest de is Terras de su Campidanu

(IlMinuto) – Casteddu, 19 de su mesi de làmpadas - Tucat su primu Contest musicali de is Terre de su Campidanu. Si lamat Campidanu Music Lab i est unu cuncursu chi si sboddiat in cuàturu frimadas musicalis chi ant a tocai is comunus de Serrenti, Samassi, Santu 'Engiu, Serramanna. S'avenimentu est prevìdiu po su mesi de argiolas e is primus diris de su mesi de austu de su 2012. "Su bincidori de su contest - pretzisat sa nota de imprenta fata connosci de is aprontadoris - at a pigai parti a una rassegna, cuncursu o avenimentu musicali in su territóriu natzionali o europeu". Po pigai parti a su Campidanu Music Lab no si pagat. Sa manifestada est oberta a is solistas o a is grupus chi tenit un'edadi média no prus arta de is 30 annus e chi assumancu unu de is sonadoris depit essi residenti in unu de is comunus innoia s'at a frimai s'avenimentu. Is artistas no depint ai perou publicau e/o distribuiu cd cun etichetas discogràficas. Is dimandas po pigai parti a sa cosa depint essi imbiadas intru is 12.00 de lúnis 25 de su làmpadas de su 2012 e depint lompi scéti atressu de e-mail a s'indiritzu em2anci@gmail.com. Intru su 5 de su mesi de argiolas chi benit totus is candidaus, pigaus e no pigaus a su contest, ant a arriciri comunicatzioni cun d-una mail