Lompit a sa XI editzioni su Rally de is Nuraxis e de su Vermentinu

(IlMinuto) – Casteddu 20 de su mesi de làmpadas - Est cumentzada cun s'obertura de is iscritzionis su Rally de is Nuraxis e de su Vermentinu. Sa gara, chi de annus meda interessat a isportivus e amantis, at a tucai su 23 de su mesi de làmpadas chi benit. Duas diris fortis cun 10 proas ispecialis, antzipadas po sa primu borta de su shakedown, su primu atu de sa gara. S'editzioni passada abarrat in sa mamória po is númerus mannus fatus: in 81 ant passau su caminu assentau in su coru de su tzentru gadduresu, 20 màchinas fortis meda capassus de fai sa difaréntzia e 12 echipàgius e prus, lompius de foras, prusatotu de su Piemonte e de sa Liguria. Ocannu puru, sa Rassinaby Racing at a amentai a Matteo Mannazzu, ghiadori giòvanu chi si nd'est andau e a su cali de undixi annus est dedicau su prémiu. Totu su staff est traballendu de unus cantu diris  po assegurai a is echipàgius in gara sa solita atentzioni a sa seguresa, a s'organizatzioni e a is minudàntzias.