Presoneri casteddaiu in cunditzioni de saludi grais. Sdr "su pena unu trumetu po sa carena e po sa conca"

(IlMinuto) – Casteddu, 9 de su mesi de maju - S.I., presoneri casteddaiu malàdiu de Aids e fintzas a oi ricoverau in cunditzionis grais in su Tzentru Diagnosticu Terapeuticu de su Presoni de Buoncammino, fait un'ateru apellu atressu de s'assótziu Sotzialismu Diritus e Reformas. Sa situatzioni de su presoneri - acrarat Maria Grazia Caligaris presidenti de s'assótziu Sotzialismu Diritus e Reformas - "est trasformendi sa pena in d-unu trumentu po sa carena e po sa conca". "Sa vida aintru de un'istrutura penitentziària bécia e cun meda genti - sighit Caligaris - est giai unu motivu de aflitzioni. Candu is cunditzionis de saludi funt postas mali, comenti est po s'Aids, sa permanéntzia creat istrobu". Su presoneri, su mesi de fiàrgiu passau at presentau dimanda de "differimento" de sa pena a su Tribunali de Castiamentu de Casteddu, chentza perou tenni nisciuna arrespusta, no arrenescit prus a s'atendi