Concursus: lompit a sa IV editzioni "Su Tzínema Contat su Traballu"

(IlMinuto) – Casteddu, 10 de su mesi de maju - Lompit ocannu a sa de cuarta editzioni su cuncursu po progetus tzinematogràficus "Su Tzínema Contat su Traballu". A ghetai su bandu funt s'Agentzia Regionali po su traballu de sa Sardigna e sa Sotziedadi Umanitària - Tzineteca Sarda e su Tzentru Serbítzius Culturalis, sa gara nascit cun s'obietivu de insutzuligai e promòviri su cumprimentu e sa difusioni de film chi contint, in totu is formas suas, su mundu de su traballu in Sardigna, incluiu su de is disterraus sardus e su de is furesteris lompius in s'ísula. S'iscopu no est scéti su de fai film apitzus de is temas de su traballu in Sardigna, ma puru su de  promòviri sa cultura tzinematogràfica e is professionalidadis de su tzínema in su territóriu. Is propostas tzinematogràficas premiadas - si ligit in d-una nota - "ant a depi essi trasformadas in film intru 12 mesis de s'assignadura de su prémiu". Una zuria de espertus de tzínema at a sceberai intre is chi pigant parti a su cuncursu otu finalistas e agoa cuàturu bincidoris. Is progetus ant a depi lompi a sa Sotziedadi Umanitària - Tzineteca Sarda de Casteddu, intru su 25 de su mesi de argiolas de su 2012. Po ndi sciri de prus scriri a s'indiritzu: segreteria@ilcinemaraccontaillavoro.it