Sit in in Arborea e Cabu Frasca "In defesa de is benis comunus de sa Sardigna"

(IlMinuto) – Casteddu, 12 de su mesi de arbili - In su mangianu de domínigu 15 de su mesi de arbili, su comitau autónomu "Ddu scit su bentu", nàsciu su 17 de su mesi de martzu passau po sensibilitzai a s'opinioni pública e a is partidus políticus asuba de sa chistioni de is tzerachias militaris e po pediri sa serradura de is poligonus de Cuirra, de Cabu Frasca e de Cabu Teulada, at essi presenti a su sit in aprontau de su comitau cívicu "No a su progetu Lianora" contra a is pertusamentus prevìdius de sa Sargas s.p.a, sotziedadi de su grupu Saras. Su progetu, ddu amentaus, est stétiu presentau de is Moratti a sa Regioni Autónoma de Sardigna, e previdit sa circa de gas e petróliu in terra e in mari, in d-un'un'area de 4430 ètarus aintru de sa provìntzia de Aristanis. Is membrus de "Ddu scit su bentu", in su merì de sa mantessi diri, a is 17.00, ant essi impiciaus ananti de su poligonu de Cabu Frasca cun d-unu sit in contra a is tzerachias militaris. Agoa de sa manifestada de su merì, su comitau s'at a agatai - si ligit in d-una nota de imprenta - "in Santu Antoni de Santadi po aprontai e istruturai su comitau e po detzídiri asuba de su caminu suu"