"Sa Die de sa Sardigna". In Casteddu atopu in sa biblioteca Regionali cun "Bilinguismu in famìlia"

(IlMinuto) – Casteddu, 26 de su mesi de arbili – Sàbudu 28 de su mesi de arbili, in is aposentus de sa biblioteca Regionali de s'arburada Trieste in Casteddu, a cumentzai de is 10.30 s'at a sboddiai un'atóbiu interessanti chi tenit comenti títulu "Bilinguismu in famìlia", unu spuntu de reflèscia asuba de su multilinguismu in domu e in famìlia chi po s'ocasioni afestat Sa Die de sa Sardigna. Is traballus ant a lompi addia de s'ísula. Atressu de unu collegamentu Skype, difatis, sa Sardigna at essi collegada cun Edimburgo po allegai cun s'esperta de bilinguismu Antonella Sorace. Is traballus ant a sighiri cun diversus interventus apitzus de su tema. Intre is presentis ddoi ant essi: Luisa Marci Corona, Luisa Massidda, Manuela Mereu, Nicola Cantalupo, Maria Antonietta Piga, Antonello Garau, Marco Murgia, Paolo Zedda e àterus meda.