Poligonu de Cuirra: Sni apricu Determinu Comunu e "strúnciu e totalis po su stadu italianu"cundenna

(IlMinuto) – Casteddu, 12 de su mesi de arbili - Cun su pragoni n. 12/2012 po su sboddiamentu de is esercitatzionis a fogu, si fait connosci s'"abisóngiu" de su Pisq de fai esercitatzionis de tiru, in su territóriu de Cuirra, in is diris chi andant de su 1 a su 20 de su mesi de làmpadas de su 2012, cun armas, bolu de guetus, míssilis e artiglierias. Su provedimentu, aprontat duncas s'amparu de s'incolumidadi pública a su mamentu de is esercitatzionis militaris, s'isbaratzu de personis e animabis "de is 07.00 a sa una de s'area ingiriada" chi incluit is comunus de Foghesu, Iscalepranu, Armùnja, Tertenìa, Biddeputzi, Ballau, Jersu, Biddamànna Istrisàili, Arthana e Ulassa. Custu pregoni est sa cufirma, a cantu narat Bustianu Cumpostu, cordinadori Natzionali de Sardigna Natzione ca "sa Sardigna est sa Mururoa de s'Itàlia". "Sni pedit, comenti at fatu in Bruxelles - sighit Cumpostu - ca in is ambitus aundi benint isperimentadas aramas de gherra a 'frammentazione' e/o cun ballas a s'uraniu impoberessiu si aplichit su 'Determinu Comunu' chi su Parlamentu Europeu at aprovau in su 2007".