Informatzioni in Sardigna. In Consillu regionali una proposta de lei po su "pluralismo"

(IlMinuto) – Casteddu, 17 de su mesi de arbili - Agiudai su "pluralismo" de s'informatzioni in Sardigna: de su paperi imprentau de su web, passendi po sa tv e s'aràdiu. Donai arregulas pretzisas a sa comunicatzioni istitutzionali de sa Regioni: de sa publicidadi a s'ofítziu de imprenta. Funt custus is obietivus printzipalis de sa proposta de lei presentada in is diris passadas in s'assembrea de bia Roma de unu grupu de consilleris regionalis (prima ai firmau Francesca Barracciu, Pd). "S'isvilupu normativu, istitutzionali e tennologicu - si ligit in d-una nota de presentada de sa lei - imponit de agiustai is dispostas chi in sa Regioni nostra regulamentant s'informatzioni de su logu e sa comunicatzioni istitutzionali fintzas a imoi reguladas de sa lei regionali 22 de su 1998". Sa proposta previdit puru sa convocatzioni, dógnia duus annus de una Cuferéntzia regionali de s'informatzioni "po aglianai - acrarant is aprontadoris - su cufrontu intre is partis interessadas asuba de s'atuamentu de sa lei, asuba de sa realidadi de s'informatzioni in Sardigna e asuba de is raportus intre informatzioni e democratzia".