Avenimentus: in Sìnnia "Sa terza diri"

(IlMinuto) – Casteddu, 4 de su mesi de arbili – Sàbudu 14 de su mesi de arbili a is 21.00 e domínigu 15 de su mesi de arbili, su Teatru Cívicu de Sìnnia at a oberri su sipàriu suu cun s'ispetàculu de sa compagnia Artistas Foras de logu de Cuartu Sant'Aleni chi tenit comenti títulu "sa terza diri", un'òpera de Alessandro Pani, chi ddu bit protagonista puru comenti atori. Un'ispetàculu inéditu, fatu de un'atu scéti su de Pani, chi in iscena at essi afiancau de Filippo Salaris. In "sa terza diri" Pani e Salaris ant a fai sa parti de duus deputaus, Lucarelli e Biagiotti, is únicus duus onerèvolis abarraus a traballai in d-una Montecitoriu arrocada de s'atrupamentu infuriau. A foras ddoi est una Roma intre dexi annus, animada de sa revolutzioni. Ma ita funt is revolutzionis?