25 de su mesi de arbili: sa Polizia carrigat a is antifascistas. Pcl: "Est grai meda chi su Prefetu dongat a is fascistas sa possibilidadi de manifestai"

(IlMinuto) – Casteddu, 26 de su mesi de arbili - "S'ant sbaratzau de pratza a cropus de manganellus. Cuàturu fertus e de custus unu est finiu in s'ispidali. No amollaus. Is fascius ant a intendi comentisiollat sa preséntzia nostra". Custus is fueddus scritus in Facebook ariseu a meigama abia de is 16 de una militanti antifascista casteddaia po denuntziai su chi est acontéssiu pagu minutus primu in pratza Gramsci, in Casteddu. Abia de is 15.30 sa polizia bistia de gherra iat carrigau a is militantis antifascistas chi iant circau de impediri - in sa diri de s'afestu de su Liberamentu de su nazifascismu - ai is personis de sa dereta estrema de ponni in su monumentu de carrera Sonnino una corona "in onori a is caius de sa Rsi": sa Repúbrica de Benito Mussolini e Adolf Hitler. Apitzus de is fatus de ariseru fueddat atressu de una nota su Pcl. "Su Partidu comunista de is traballadoris - si ligit in su comunicau - denuntziat s'aciocu bregungiosu fatu a is antifascistas casteddaius de is fortzas de s'órdini, acontéssiu su 25 de su mesi de Arbili in pratza Gramsci in Casteddu. Is militantis de su Pcl atribuint sa própriu preséntzia a su pichetu antifascista e a is aciocus cun sa polizia. Est grai meda chi su prefetu dongat a is fascistas sa possibilidadi de manifestai a is fascistas e chi ddu fatzat po sa diri de su Liberamentu de su nazifascismu".