25 de su mesi de arbili: in Casteddu manifestada e concertu po su Liberamentu. Apellu nou po frimai su pichetu de su fascimu nou

(IlMinuto) – Casteddu, 23 de su mesi de arbili - Su no a su fascimu torrat a cabai un'àtera borta in pratza in Casteddu. Mérculis chi benit, po sa Festa de su Liberamentu de su 25 de su mesi de arbili, ddoi at essi difatis unu corteu cun tucada a is 9.00 de pratza Garibaldi. Sa diri - aprontada de su Comitau 25 de su mesi de arbili - at a sighiri a su merì cun d-unu cuncertu in pratza de su Cramu, a cumentzai de is 17.00. Ant a pigai parti a sa rassegna musicali Mister T, Ezechiele 25-17, Le Ragioni del viaggio, Tamanera revolution, Boghes de Bagamundos, Ex Dirigenti, Mamavibe. In sa mantessi diri - mancai is diversas dimandas fatas a is autoridadis de impediri manifestadas in "camisa niedda" - si iat a depi sboddiai unu pichetu de su fascismu nou a petus de su Monumentu de is caius. S'impitu de su cunditzionali est de importu mannu poita in is úrtimas oras s'assótziu Terra e Libertadi at fatu connosci un'apellu nou contra a su fascismu, mandau a su Prefetu de Casteddu cun s'obietivu de frimai su pichetu de is disigiosus de sa Repúbrica de Salò po su 25 de su mesi de arbili. "Cumbidaus - scririt Terra e Libertadi - assótzius, círculus, movimentus, tzitadinus chi funt contra a su fascismu a fai ateretantu […] e a pigai parti a sa manifestada in pratza po su 25 de su mesi de arbili".