Tzerachia militari. "Gettiamo le basi": "12,7 milioni de indennitzus

(IlMinuto) – Casteddu, 1 de su mesi de martzu - Is sardus no tenit nudda de afestai po is indennitzus de 12,7 milioni de eurus promìtius de su Ministeru de sa Difesa a s'Ísula po pagai is dannus fatus a sa colletividadi de sa preséntzia militari. Su tanti promìtiu est difatis de 0,08 eurus po étaru - de terra o de mari - ocupau po unu mesi de is militaris. Si imbecis si pigat in cunsidériu scéti sa terra ocupada de fainas militaris, su tanti "artziat" a 7,14 eurus a s'étaru/mesi. Est cantu denuntziat cun d-unu comunicau su Comitau "Gettiamo le basi", stresidendusì de is comentus bellus fatus de su Presidenti de sa Regioni, Ugo Cappellacci, e de calencunu síndigu candu est stétia donada sa nova de su Guvernu."Po 0,08 eurus ispaciaus comenti 'unu carru de dinai' – scririt su Comitau - is sardus si ndi podint prexai beni,  serrai torra is ogus e stresiai dúbius/seguresas apitzus de is belenus de gherra, de sa destrossa ambientali, de sa cadena chentza de fini de leucemias e alteratzionis geneticas de pipius e animabis".