"Serrant s'ispidali de Tièsi e finantziant sa Tav". Su Prc de su Meilogu est a su costau de su pópulu de Bacu de Susa

(IlMinuto) – Casteddu, 7 de su mesi de martzu - Sa solidariedadi cun sa batalla de su pópulu de Bacu de Susa contra a su fàbricu de sa Tav barigat puru po su Meilogu. A nai ca no a su progetu est unu documentu de su círculu Prc Farore Sini. "Su progetu Tav - si ligit in d-unu documentu de su círculu dedicau a su babu de su Prc in Bànari - at liau risossas a totu su  chi serbit diaderus a sa genti de custu logu: prus de 44 miliardus de eurus. […] Iat a essi de importu prus mannu providiri a su funtzionamentu de is trenus, sèmpiri prus postus mali, po chini viagiat, imbecis de progetai medius de lussu po pagu genti. Pentzaus a sa ferruvia sarda, chentza de duda est foras de su mundu". "Su progetu Tav - pretzisat su documentu - no podit essi amitiu de nisciuna parti, prus pagu ancora de is tzitadinus de su Meilogu chi bint serrai a pagu a pagu s'ispidali insoru e tanti àterus serbítzius".