"Monti bolit infossai s'arrisurtau referendum contra sa privatizatzioni àcua". Su Prc sardu aderit a sa campagna "Ubidièntzia civili"

(IlMinuto) – Casteddu, 1 de su mesi de martzu - Difendi sa gestioni pública  e chentza de torracontu de s'àcua. Cun custu obietivu su Prc de sa Sardigna aderit, cun d-unu documentu aprovau domínigu passau de su Comitau Políticu Regionali, a sa campagna "Ubidièntzia civili" po pretèndiri chi s'arrisurtau de su referendum de su mesi de làmpadas de su 2011 bengat arrespetau."Atressu de su decretu asuba de is liberalizatzionis, su guvernu Monti - scririt Prc - bolit infossai s'arrisurtau de su referendum asuba de s'àcua, frimendi sa gestioni de su serbítziu ídricu de parti de is aziendas ispeciali o de is sugetus de diritu públicu".