Língua sarda: arribant is finantziamentus po is portellitus de is entis de su territóriu

(IlMinuto) – Casteddu, 16 de su mesi de martzu - Tucant is progetus po s'amparu de is minorias linguísticas. Is entis de su territóriu, is cameras de cumérciu e is aziendas localis tenit tempus fintzas a su 30 de su mesi de arbili po presentai a s'Assessorau regionali de sa Pública istrutzioni is dimandas de finantziamentu po ponni in motu is portellitus linguísticus, de fainas culturali, de imparu e progetus po sa toponomàstica. Is progetus funt finantziaus de sa lei 482 de su 1999, po sa salvaguàrdia, sa promotzioni e sa difusioni de su sardu e de is àteras "línguas de minoria"."Is entis interessaus - si ligit in d-una nota de imprenta fata connosci de s'Urp de sa Presidéntzia de sa Regioni - depint imbiai is domandas de finantziamentu in formau eletrónicu, a s'indiritzu e-mail: pi.cultura.sarda@regione.sardegna.it, e in paperi puru a s'indiritzu: Regioni Autonoma de Sardigna - Assessorau de sa Pública istrutzioni, benis culturalis, informatzioni, ispetàculu e sport - Serbítziu língua e cultura sarda - arburada Triesti, 186 - 09123 Casteddu.