"Imu prus bàscia po is disàbilis e is famílias insoru": s'apellu de Sdr a su Comunu de Casteddu

(IlMinuto) – Casteddu, 30 de su mesi de martzu - Ita est s'Imu? S'Imu est sa pagamenta Munitzipali Única, introdusia comenti tassa in cambiu de s'Irpef asuba de is réditus fundiarius de is segundus domus, e de s'Ici, introdusia in 1992 e diventada luegu una de is intradas prus importantis in su bilantzu de is Comunus, primu chi fessat annuddada po is primus domus. Est inerenti a s'Imu casteddaia s'apellu chi Maria Grazia Caligaris, presidenti de s'assótziu Sotzialismu diritus e reformas, fait a s'aministratzioni comunali de sa primu tzitadi de sa Sardigna. "Sa realidadi casteddaia - si ligit in d-una nota de imprenta - contat unu númeru mannu de tzitadinus disàbilis chi fatufatu bivint de una pensionedda de pagu prus de 270 eurus cun is babus e i mamas antzianus meris de s'imòbili innoia bivint. Candu si disponint il percentualis asuba de sa pagamenta Munitzipali Única (Imu) is aministradoris de su logu si depint amentai ca custa fita de genti bivit in d-una cunditzioni difítzili e chi ddis manescint disagràvius fiscali". "S'aumentu de su discumbéniu e de is poberesas in d-una tzitadi comenti Casteddu - imponit unu cunsidériu atentu. [...] po un'aministratzioni nàscia cun s'intentzioni de promòviri s'inclusioni sotziali renuntziendi a s''assistenzialismo' in nòmini de is diritus".