Cursus: in Casteddu "Ogu e oguliau: sa castiada asuba de mimi"

(IlMinuto) – Casteddu, 15 de su mesi de martzu - "Po una borta castiaus comenti beneus castiadas": custa sa bidea chi animat su cursu de fotografia "Ogu e oguliau: sa castiada asuba de mimi" chi s'at a tenni de su 23 de su mesi de martzu in Casteddu po agiudai sa Libreria de is féminas. Unu cursu de "autorappresentazione" fotografica po is féminas de dógnia edadi po imparai a autai asuba de su protzessu de sa bista e de sa bisioni; cumpaza de viàgiu at essi sa reflex manuali "analogica", una màchina chi parrit essi stétia cundennada a sa mudesa de su "digitale", ma chi imbecis tenit tambeni su poderi de imprentai dógnia mamentu chentza de ndi perdi mamória. Su cursu si sboddiat in 5 letzionis, dógnia cenàbara de is 20.00 a is 22.00, e at biri mamentus de chistionu colletivu apitzus de is fotografias fatas chi ant a podi diventai una mostra. Is letzionis funt a gratis, ma funt obertas a su cuntributu liberu de is scientis. Su dinai at essi impitau po salvai sa faina de sa Libreria de is Féminas. "Imbecis de abasciai is ogus, fotografaus chini si castiat e comenti si castiat". Po ndi sciri de prus apitzus de sa proposta culturali scriri a s'indiritzu e-mail: luisa.siddi@tiscali.it, circola@alice.it