Ciarmoli (Vìtimas Uràniu): "Oberri unu inchiesta penali asuba de is mortis acontéssias po mori de custa sustàntzia killer".

(IlMinuto) – Casteddu, 20 de su mesi de martzu - "Fata giustítzia po is vìtimas de s'amiantu, imoi abisongiat un'inchiesta penali po is vìtimas de s'uràniu impoberessiu". Est cantu narat s'abogau de s'assótziu Vìtimas Uràniu, Bruno Ciarmoli, comentendi senténtzia de Torinu de pagu tempus fait asuba de is mortus de amiantu. Po Ciarmoli funt pagu prus de 200 is militaris mortus po mori de s'uràniu impoberessiu e 2.500 is personis malàdias in modu grai po mori de custa sustàntzia Killer. "Puru in custa acontéssia - narat s'abogau - seus a faci de un'auséntzia de apricu de is mesuras de amparu po su personali italianu, chi a difaréntzia de is verticis militaris no scidiat de is arriscus".