Sardigna "capitali" de su Ping Pong: in su 2012 Mondialis giovanilis e Internatzionali veteranus

(IlMinuto) – Casteddu, 16 de su mesi de fiàrgiu - In su 2012 sa Sardigna at essi teatru de atopus mondialis po su ping pong. Custu sport at oberri su sipàriu in Casteddu, de su 31 de su mesi de martzu a su 6 de su mesi de arbili, cun is Giogus Mondialis de is Istudiantis, at essi  'Osa imbecis a aghilliri is ispecialistas de su Ping Pong chi, ant a lompi de dógnia parti de su mundu e chi ant essi is protagonistas de sa primu editzioni de su Torneu Veteranus Internatzionali. A aprontai su torneu est sa sotziedadi "Il Cancello" de S'Alighera, chi tenit intre is iscritus suus a Efisio Pisano. Est issu "S'imbenteri - si ligit in d-una nota de imprenta - de custa manifestada manna. Pisano no s'at a ocupai scéti de s'aspetu sportivu".In 'Osa, is garas de ping pong s'ant a sboddiai in sa palestra de is iscolas Médias de bia Gramsci e ant a biri in gara diversas categorias: síngulu màscrinu e femininu 40, síngulu màscrinu e femininu 50, síngulu màscrinu e femininu 60, síngulu màscrinu e femininu 70. Cun probabilidadi manna ant a benni fatas puru is categorias over 65 e 75, mentris ant pigai parti a su dópiu is categorias 40 e 50, 60 e 70.