"Rossella Urru libera": s'apellu de sa comissioni "Pari opportunità" de sa Provìntzia de Casteddu

(IlMinuto) – Casteddu, 29 de su mesi de fiàrgiu - "Fai dógnia isfortzu diplòmaticu po lompi cantu primu a su liberamentu de Rossella Urru, Ainoha Fernandez de Rincon e Enric Gonyalons, coperantis in is campus saharawi in Algeria arrapignaus de 120 diris e prus". Est custu s'apellu fatu de sa comissioni "Pari opportunità" de sa Provìntzia de Casteddu, chi manifestat sa solidariedadi sua a sa coperanti de Samugheo e a is collegas ispagnolus arrapignaus su 22 de su mesi de ledàmini passau.Cun custu iscopu, sa presidenti de sa comissioni "Pari opportunità" Mariangela Pedditzi at determinau de "dedicai unu pentzu e de  amentai a Rossella Urru primu de cumentzai totus is assembreas públicas chi tenit in programa". In prus, puru is manifestus de is seminàrius territorialis aprontaus de sa comissioni, ant a portai sa scrita "Rossella Urru libera".