Protzessu Portovesme srl: senténtzia atrassada a su 28. S'arràbiu de Sni

(IlMinuto) – Casteddu, 15 de su mesi de fiàrgiu - Est po su mesi de fiàrgiu su ligimentu de sa setenténtzia de su protzessu a su responsàbili de su sistema de sa gestioni ambientali de sa Portovesme srl e a sa responsàbili de sa gestion arrefudus de su mantessi istabilimentu. Personis acusadas de ai cumandau s'interramentu abusivu de deximilla metrus cubus de arrefudus industrialis de s'azienda - 15.000 tonnelladas de arrefudus toscus e noxilis - in is tretus de Setimu, Serramanna e asuta de s'arruga de s'ispidali Businco, in Casteddu.Apitzus de sa cosa fueddat cun d-unu papereddu Sardigna Natzione Indipendentzia. "Cun sa Portovesme srl – si ligit in su documentu - in Sardigna sighint a lompi tonnelladas de iscórias chi impestant e chi funt perigulosas meda, iscórias dúbias puru de radioatividadi".