Protzessu Portovesme srl: cundennaus responsàbili de su sistema de sa gestioni ambientali e responsàbili de sa gestioni arrefudus

(IlMinuto) – Casteddu, 29 de su mesi de fiàrgiu - Est acabada ariseru cun duas cundennas su ligimentu de sa senténtzia de su protzessu a su responsàbili de su sistema de sa gestioni ambientali de sa Portovesme srl, Aldo Zucca, e a sa responsàbili de sa gestioni arrefudus de su mantessi istabilimentu, Maria Vittoria Asara. Is duus imputaus ant a depi iscontai s'unu e s'àtera 2 annus e 8 mesis e 2 annus e 2 mesis; ant a depi pagai puru 1.800 eurus de ispesas legalis e iscrobada licuidatzioni in sedi tzivili po sa paga in faori de is partis tzivilis. "Po sa primu ia in Sardigna - si ligit in su giassu de su Grupu de Interventu Giurídicu - est stétiu santzionau penalmenti unu tràvigu illìcitus aici mannu".Su acabau ariseru est scéti sa primu parti de su spricullitu asuba de su tràvigu de arrefudus pirigulosus meda produsius e dissipaus in modu illegali de sa Portovesme srl. In data de fissai tambeni ant a aparessiri a protzessu, in sa segundu parti protzessuali de su Tribunali de Casteddu, Massimo Pistoia, aministradori únicu de sa Tecnoscavi, Lamberto Barca, gestori de sa sotziedadi Gap service srl, is traballadoris de sa Tecnoscavi Stefano Puggioni, Giampaolo Puggioni e Larbi El Oualladi; Danilo Baldini, sótziu e cordinadori de s'area chímicu-analiticu de sa laboratoriu de anàlisi Tecnochem srl.