De Montelupo Fiorentino s'apellu acoradu de unu piciocu sardu

(IlMinuto) - Casteddu, 23 de su mesi de fiàrgiu - "Seu stracu de totu, pedu agiudu po essi salvau de custu iferru". Est custu s'apellu chi un'ómini de 34 annus, C.P. de Ceraxus, at imbiau a s'assótziu "Socialismo Diritti Riforme". S'ómini, malàdiu de "schizofrenia", s'agatat internau, po mori de unus cantu de fatus de intolleràntzia chi tempus fait ddu ant biu protagonista, in s'ispidali Psichiàtricu de Montelupo Fiorentino, a esecutzioni de unu Pregoni de su Tribunali de Castiamentu de Tàtari. "C. P., mancai sa graesa de sa maladia e sa perigulosidadi sotziali degenerada in fatus e molestia e intolleràntzia - narat sa presidenti de SDR - no podit abarrai a Montelupo Fiorentino".Apensamentaus po is cunditzionis de su piciocu, puru is familiaris chi no podendu andai in Toscana ndi pedint su trasferimentu in s'Ísula. "Una possíbili solutzioni - pretzisat Maria Grazia Caligaris – iat a podi lompi de su Serbítziu de Igieni Mentali de Ceraxus chi signalit a su Tribunali de Castiamentu de Firenzi un'istrutura in Sardigna chi potza andai beni".