“In su Poligonu de ‘Capo Frasca’ bistiàmini isparau a mitralla, maceddau e cotu”. Sa denúntzia de Accame in Vittimeuranio.com

(IlMinuto) – Casteddu, 13 de su mesi de gennàrgiu - "Est stétiu agatau bistiàmini in su tretu innui isparant a mitralla aintru de su Poligonu de 'Capo Frasca' i est stétiu fertu de is ballas fatas cun mitallus "pesanti" e duncas de is "nanoparticelle" de cussus etotu. Is bestias agoa funt stétias maceddas e cotas". Est cantu denuntziat Falco Accame de is pàginis de su giassu Vittimeuranio.com, acrarendi ca custus fatus - scipius de unu testimóngiu chi po imoi at bófiu abarrai cuau - no funt bessius a pillu in sa "bisita, chi s'est tenta pagu tempus fait, de sa Comissimoni parlamentari de inchiesta de su Senau asuba de s'uraniu impoberessiu". "No scideus - pretzisat Accame - si sa faina de maceddu furiat stétia autorizada o no e si is Asl apant fatu is cuntrollus. Ma de seguru is 'nanoparticelle' depositadas in is carenas de is animabis funt noxilis po sa saludi".