Sanidadi: in Casteddu sit in de Sni po salvai is ispidalis de is biddixeddas

(IlMinuto) – Casteddu, 31 de su mesi de gennàrgiu - "Amentai a sa Comissioni sanidadi de Consillu regionali ca su diritu a sa saludi de is sardus no podit fai de mancu de is ispidalis chi s'agatant in biddixeddas comenti Itiri Cannedu e Tièsi". Cun custu obietivu Sardigna Natzione Indipendentzia at aprontau po custumerì unu sit in asuta de is pórcius de bia Roma, in Casteddu. Sa manifestada at a cumentzai a is 15.30, duas oras primu de su cumentzu de s'assembrea de sa Comissioni Sanidadi.Apitzus de sa chistioni de is ispidalis de is biddixeddas, e po su prus de su Tièsi, fueddat su segretàriu de sa Federatzioni de su Prc de Tàtari, Francesco Falchi, cumbidendi a is síndigus de su Mejlogu a arrefudai calisisiat tipu de irminorigamentu a s'istrutura.