Protzessu Portovesme srl: oi sa senténtzia. Sit in a faci de su Tribunali de Casteddu

(IlMinuto) – Casteddu, 24 de su mesi de gennàrgiu - Est po oi, agoa de una fibera de atrassaduras, sa senténtzia de su protzessu a su responsàbili de su sistema gestioni ambientali de sa Portovesme srl e a sa responsàbili de sa gestioni arrefudus de su mantessi istabilimentu. Personis acusadas de ai cumandau s'interramentu abusivu de deximilla metrus cubus de arrefudus industrialis de s'azienda - 15.000 tonnelladas de arrefus toscus e noxilis - in is tretus de Setimu, Serramanna e asuta de s'arruga de s'ispidali Businco, in Casteddu. Po sa senténtzia su Comitau "Carlofortini Preoccupati" at promòviu un'àteru sit in de protesta, a faci a s'intrada de su Tribunali de Casteddu, in pratza Repúbrica. "Nos - si ligit in d-una nota apitzus de su Protzessu Portovesme srl - no teneus abisóngiu de nisciuna proa, no si serbit sa cunfirma de crupa o s'amissioni de crupa poita sa beridadi dda bideus, dda biveus dógnia diri asuba de sa peddi nostra e dda ligeus in is datus chi fueddant de morti e maladias".