"Pro custa terra rosas e beranos". Unu bandu de poesias po amentai a Peppinu Mereu

(IlMinuto) – Casteddu, 30 de su mesi de gennàrgiu -

Terra fort'e gentile, custu cantu

est su saludu chi non t'hapo dadu

in s'attu chi, partinde, su piantu

cuss'estremu consolu m'hat negadu. [...] (Peppinu Mereu)

Peppinu Mereu est stétiu unu de is puetas in língua Sarda prus importantis de sa fini de s'Otuxentus. Una vida de abisóngius sa sua: a bintinoi annus sa maladia chi dd'at trumentau totu sa vida fintzas a ddi ndi liai su súlidu,. Comenti donu s'at lassau is òperas suas miríficas. Sa Sardigna amentat una de is boxis suas prus bellas cun su cuncursu de poesia in língua sarda "Pro custa terra rosas e beranos", aprontau de su Colletivu Peppinu Mereu de Tonara.Is òperas ant a depi essi mandadas intru e no prus a tradu de su 30 de su mesi de arbili. Is interessaus ant a agatai s'ischeda po s'iscriri in su giassu de su Colletivu. Po pigai prus scedas scriri a s'indiritzu e.mail: Segreteria@peppinumereu.it o telefonai a is númerus: 3203312724 - 3476822574