Presonis. Sa lítera de unu cundennau a s'ergastolu: "Seu innotzenti, ma no mi creint"

(IlMinuto) – Casteddu, 2 de su mesi de gennàrgiu - Agoa de s'aerru grai in primu gradu, sperau chi in apellu [...] nd'essat bessiu a pillu cun craresa s'innocéntzia mia a faci de s'acusa de ai bociu duas personis". Est cantu narat Mario Deiana, de 35 annus, cundennau a s'ergastolu in su primu gradu e in apellu, in d-una lítera imbiada a s'assótziu "Socialismo Diritti e Riforme". "Seu diventau - scririt Diana, presoneri in su presoni casteddaiu de Buoncammino - unu númeru e su disisperu miu crescit de diri in diri. Seu paghendi una crupa chi no tengu e prusatotu seu biu comenti una personi mala". "Is dichiaras de innocéntzia - scririt sa presidenti de Sdr Maria Grazia Caligaris, cummentendi sa lítera de su cundennau a s'ergastolu - pedint sèmpiri un un'atentzioni manna, prusatotu candu, comenti in custa acuntéssia, a su crímini imputu si contraponit sa denúntzia de aerrus e arrefrigadas in is dichiaras de is acusadoris".