Ping Pong: agoa de tres mesis su Marcozzi Casteddu torrat a binci in A2

(IlMinuto) – Casteddu, 17 de su mesi de gennàrgiu - Bitória in domu po su Ping Pong sardu in su palatzeddu de bia Crespellani. Sàbudu passau sa Marcozzi Casteddu at bintu po 4 a 2 a sa Gs Cral de Roma, in su campionau de serie A2 maschili. Prexau de s'arrasurtau Stefano Curcio, chi no biciàt una partida de ping pong de su 12 de su mesi de totussantus. "No ddu sciu spricai - narat su giogadori de sa Marcozzi - sciu scéti ca dógnia annu, candu cumentzat s'annu giogu mellus de comenti acabu su passau. Fortzis sa pàusa mi giuat".