Cuncursus: sighint is votatzionis po "Un'emozione per Cagliari"

(IlMinuto) – Casteddu, 11 de su mesi de gennàrgiu - "Un'emozione per Cagliari", su cuncursu fotograficu asuba de sa "tzitadi bianca", at tentu una fortuna manna de públicu. Po custu is aprontadoris, VisitaCagliari.it e su T-Hotel, ant determinau de allonghiai sa proa: at essi possíbili sceberai sa fotografia chi si preferit fintzas a su 31 de su mesi de Gennàrgiu. Is 30 fotografias prus votadas ant a benni aparadas, de su 16 de su mesi de fiàrgiu fintzas a su 22 de su mesi de martzu, in is aposentus de su T-Hotel. Sa premiatzioni de "Un'emozione per Cagliari" at essi fata su 22 de su mesi de martzu, diri de acabu de sa mostra. Sa primu classífica ufitziali de "Un'emozione per Cagliari" si podit castiai online.