Úrtim'ora: in Casteddu manifestada No Radar duranti s'isfilada de is fortzas armadas de su 4 de su mesi de totussantus

(IlMinuto) – Casteddu, 4 de su mesi de totussantus - Is comitadus No Radar no afestant su 4 de su mesi de totussantus. Custu mangianu in Casteddu, in bia Sonnino, s'at a tenni una manifestada de protesta contra a su fàbricu de 15 radar militaris in is costeras de sa Sardìnnia, própriu candu funt isfilendi, in su mantessi tretu, is fortzas armadas. Sa manifestada est aprontada de su comitau No Radar Sardìnnia, chi aghillit is diversus grupus chi gherrant in su territóriu contra a un'àtera tzerachia militari.