Protzessu Portovesme srl. S'acusa: "Anàlisi chímica trastocadas". Sit in nou a faci de su Tribunali de Casteddu

(IlMinuto) – Casteddu, 10 de su mesi de totussantus - S'oberrit oi in su Tribunali de Casteddu sa segunda parti de su protzessu po s'interramentu abusivu de 10milla metrus cubus de arrefudus industrialis de sa Portovesme srl - 15milla tonnelladas de arrefudus toscus e noxilis - in is tretus de Setimu, Serramannaa e asuta de s'istrada de s'ispidali casteddaiu Businco. Po s'udiéntzia s'at a tenni unu sit in a faci de s'intrada de su Tribunali aprontau comenti sèmpiri de su comitau de is "Carlofortini preoccupati". Nosu - si ligit in d-una norìta - no teneus abisóngiu de sa prova provada, no si serbit sa cunfirma o s'atrogamentu de crupa poita sa beridadi dda bideus, dda biveus dónnia diri apitzu de nosu etotu e dda ligeus in is statiasticas chi fueddant de mortus e maladias. Su pópulu sardu no podit e no depit abarrai frimu a faci de custa destrossa ambientali". Sa protesta at a sighiri su 15 de su mesi de totussantus, data fissada po sa senténtzia de sa primu parti de su protzessu Portovesme srl, cun unu sit in nou a faci de su Tribunali de Casteddu.